《 قاضي الحب والغرام》

يا قاضي الحب والغرام 

قولي إزاي حبيبي سابني 

وبكل سهولة اتخلى عني؟ 

وإزاي عيونه بتقدر تنام؟

يا قاضي الحب والغرام 

دا أنا كل ليلة بفكر فيه 

وحبي مش قادرة أخبيه 

قولي إيه الحكم اللي هتجازيه بيه؟ 

دا جرح الحب مفيش حاجة تداويه 

يا قاضي الحب والغرام 

إزاي قلبي هتنسيه إنه اتخان؟

وعلى حبيب عمره هان؟

إزاي قلبي هيرجع زي ما كان؟

يا قاضي الحب والغرام 

زيف كل كلامه وعيشني في قصص وهمية

جرح قلبي، وقتل أحلامه وكإنه ملوش ديه 

بعد ما غرقني في محبته وضحك عليا 

حرقني بنار قسوته، وطلعت أنا أكبر غبية 

مكنش مبين أبدًا إنه هيسيب 

دا كان الجراحي أفضل طبيب 

إزاي يتحول ويبقى جارح بعد ما كان حبيب؟

يا قاضي الحب والغرام 

حبيبي اتعدى كل المبادئ والقوانين 

وساب قلبي مجروح وحزين 

أنا بطالب بالعدالة يا سيادة القاضي 

مش عايزة كلامي يطلع في الآخر على الفاضي

لازم يحس بكل اللي حسيت بيه

ويعرف إني كنت نعمة وضاعت من إيده 

يا قاضي الحب والغرام 

عرِّفه إن الحب ليه احترام 

وإنه مسؤولية، مش كدبة وتمثيلية

قوله إن الحب أفعال واهتمام 

مش شوية هداية وكلام

دفِّعه تمن كل مرة كان بيكدب فيها عليا 

دفِّعه تمن كل دمعة نزلت من عينيا.

 

#قاضي الحب والغرام 

#هدير_أسامة