فاكرني يا ماضي انا اللي اتفقت مع الناس عليها
انا اللي دمرت كل حاجة حلوة فيها
انا الطفلة اللي كان التفائل مالى قلبها
وعلى ايدك انت سابها وانتهى
ايوا انا يا ماضي انا اللي رميت ابتسامتها
وحبست ضحكتها وفرحتها
انا اللي رمتها في زنزانة الغدر والخيانة
انا اللي مهنش عليك تودعها وتبقى ذكري فى حكايتها
انا اللي صممت انك تكمل معاها باقي حياتها
وتبقى حاضر ومستقبل وكأنك مكتوب فبطاقتها
وجع قديم بيسلم على وجع جديد
كان نفسي الاقي الحضن اللي يطبطب
بس ملقتش غير اللي خلا الجرح يقوي ويزيد
مستغربة ليه علي الناس بهون
وكل اللي بحبه واديله ثقة بيخون
انا لسة زي ما انا وحتي لو فات ميت سنة
مش هتغير ولا اكون زي اللي جرحوني
مهما كان الماضي قاسي والحاضر مؤلم
هكون قدك يا دنيا وعمري ما هستسلم
#هدير أسامة
#رسالة الى الماضي
0 تعليقات
اكتب تعليقا لنكمل مسيرتنا وندعم المزيد.