" قاضي الحب والغرام"

بقلم/هدير أسامة 

يا قاضي الحب والغرام  قولي ازاي حبيبي سابني  وبكل سهولة اتخلى عني  وازاي عيونه بتقدر تنام    يا قاضي الحب والغرام  ده انا كل ليلة بفكر فيه  وحبي مش قادرة اخبيه  قولي ايه الحكم اللي هتجازيه بيه  ده جرح الحب مفيش حاجة تداويه    يا قاضي الحب والغرام  ازاي قلبي هتنسيه أنه اتخان  وعلي حبيب عمره هان  ازاي قلبي هيرجع زي ما كان    يا قاضي الحب والغرام  زيف كل كلامه وعيشني في قصص وهميه جرح قلبي وقتل أحلامه وكإنه ملوش ديه  بعد ما غرقني في محبته وضحك عليا  حرقني بنار قسوته وطلعت انا اكبر غبية    مكنش مبين ابدا أنه هيسيب  ده كان الجراحي افضل طبيب  ازاي يتحول ويبقى جارح بعد ما كان حبيب    يا قاضي الحب والغرام  حبيبي اتعدى كل المبادئ و القوانين  وساب قلبي مجروح وحزين    انا بطالب بالعدالة يا سيادة القاضي  مش عايزة كلامي يطلع فالاخر على الفاضي لازم يحس بكل اللي حسيت بيه و يعرف اني كنت نعمة وضاعت من ايده    يا قاضي الحب والغرام  عرفه أن الحب ليه احترام  وأنه مسئولية مش كدبة وتمثيلية قوله إن الحب أفعال واهتمام  مش شوية هداية وكلام دفعه تمن كل مرة كان بيكدب فيها عليا  دفعه تمن كل دمعة نزلت من عينيا