التغيير الأعمى

 بقلم  ندى وافي

    - أي بقى مواصفات فتاة أحلامك؟
    " سألت السؤال وأنا مستنيه الاجابه اللي عيزاها تكون قصيره وشعرها طويل     بنضاره صغيره وجسمها طخين شويه ... آه بالظبط كنت مستنياه يوصفني"
    = أنتِ هتجيبيلي عروسه ولا أي يا فريحه؟
    - تعرف تبطل رخامه وتجاوب؟
    = ماشي يا ستي بصي عايزها تكون طويله في طولي كدا أو أقصر مني بشويه     وشعرها يبقى قصير جسمها بقي يبقى زي عارضات الأزياء 
    " كان بيتكلم ومع كل كلمه بحس بحاجه في قلبي هو إزاي كدا مش شايفني بس لا     لسه في أمل! " 
= والأهم بقى متكونش لابسه نضاره.. أنا مقصدش حاجه أو ازعلك أنتِ عارفه بس دي ازواق في الآخر 
- ازعل ليه يبني؟ أنت مقولتش حاجه تزعلني
= ها بقى هتجيبيلي العروسه امتى؟
- دلوقتي أروح ادورلك واحنا عندنا كام كريم؟
= لا أدور لوحدي بقى هسيبك وأروح أكمل شغل 
- تمم
" مؤلم شعورك بالعجز بأن حبك لم يكن كافي لوجود من تحب، ازاي معرفش أني بحبه؟ عم محمد البقال عارف أني بحبه وطنط أم أحمد اللي في التاني عارفه أني بحبه والمكوجي عارف أني بحبه، أو يمكن عارف ومش عايز " 
= فريحه أنتِ سرحانه في أي ! 
- مفيش يا كيمو هروح أشتري شويه هدوم 
= خدي مي معاكي تساعدك 
- اشمعنا! 
= زوقها في الهدوم وفي كل حاجه حلو الصراحه لبسها وكلامها هي انسانه رقيقه جدًا ومفيش حد  يستاهلها
- محدش يستاهلها غيرك صح ؟ 
= مش بالظبط عمومًا خديها معاكِ وخليها تعرفك تتعاملي إزاي 
- مالها طريقتي؟ 
= بصي يا قلبي أنتِ عارفه غلاوتك عندي وهقولك كدا علشان لما تقابلي حد تحبيه يحبك هو كمان 
- أي بقى الحاجات دي؟
= بطلي الطفوله اللي عايشه فيها واتصرفي كا وأحده عاقله كبيره بطلي هزار كتير واتعلمي تتصرفي زي أي بنت في سنك أنتِ بنت فين انوثتك ؟ بصي مي لبسها حلو إزاي وطريقة مشيتها ولا لما بتيجي تتكلم بتبقى رقيقه أووي 
" فكرت لثواني لو دا اللي كريم عايزه علشان يحبني خلاص أعمل كدا كل دا سهل وهقدر أعمله " 
سيبت كريم وروحت للدكتور رغم خوفي من العمليات إلا أني قررت أعمل عمليه تصحيح نظر واشيل النضاره 
ونزلت چيم علشان اظبط جسمي وأبقى زي ماهو عايز !
حتى شعري أقرب حاجه ليا قصيته علشانه وقتها مرنش في دماغي غير جميه " الحب بيضعف والضعف بيخلينا نقدم تنازلات كتير" 
= فريحه! أي التغير ده؟
- حلو؟
= آه جدًا كدا أحلى بكتير
- طيب بعد ازنك هكمل شغلي 
" مكنتش حابه شكلي ولا كل اللي بعمله لأول مره حسيت أني معنديش مبدأ فين شخصيتي أنا اتخليت عن كل حاجه علشانه هو مسألنيش أصلًا مالي! محسش بالكسره اللي في عيني" 
عدا يومين وعلاقتي بكريم رجعت زي الأول هزارنا وضحكنا وخروجتنا اللي مبتخلصش فاضل على عيد ميلاده يومين وهقابله النهاردة علشان تكون أول هديه مني 
- كريم فاضي النهاردة نتقابل؟!
= آسف يا فريحه بس هقابل مي النهاردة واعترفلها بحبي هخلص معاها واكلمك .
" صدمه، وجع، خذلان، مفيش كلمه هتعبر عن زعلي؛ طب زعلي كان على نفسي ولا عليه قررت أبعد عن كل حاجه مسحت رقمه وقفلت كل اكونتاتي وأي حاجه توصلني بيه، حبست نفسي في أوضتي أسبوع وبعد الأسبوع قدمت استقالتي وغيرت سكني بعدت عن كل حاجه؛ كريم كان بيبعتلي مسدچات كتير أنا آه مسحت رقمه بس لسه حفظاه، كنت بشوف المسدچات من برا ومبردش كل مسدچ كانت بتفكرني بتنازلي عن نفسي وشخصيتي، عدا 3 شهور وكانت آخر مسدچ منه فينك؟!
رديت موجوده 
= مختفيه فين وسيبتي الشغل
- حصلتلي ظروف وكان لازم أبعد
= أنتِ كويسه؟
 
- آه الحمد الله 
= كنت بكلمك علشان اعزمك على خطوبتي بس أنتِ مردتيش
- معلش اعوضها في الفرح 
بعدت المسدچ وقفلت وسرحت شويه في أدهم وازاي اتقابلنا كنت في يوم بعيط كالعادة قدام البحر 
أدهم: ممكن فنجان قهوة؟ لو مش هضايقك ! 
فريحه : القهوة بدأيه تعارف وأنا مش بحب الناس الغريبه 
أدهم : مش هتخسري حاجه.
فريحه : خذلان جديد مش هيفرق في حاجه، أتفضل القهوة
ومن بعدها اتكلمنا كتير واتصاحبنا وكان فنجان القهوة بدأية علاقتنا 
أدهم حد جميل ملامحه هاديه جدًا شخصيه كل حاجه فيها تتحب هو حببني في نفسي فتلقائي حبيته، واكتشفت أن كان لازم أبعد عن كريم علشان أقابل أدهم.
أدهم وقف جمبي كتير وهفاجأه فعيد ميلاده بس لسه بفكر هعمل أي وقطع تفكير صوت مسدچ من آخر حد أتوقع أنه يكلمني "كريم" 
فريحه أنا آسف عارف أنك بتحبيني بس أنا مكنتش بحبك كنت معمي بحبي لمي بس دلوقتي عرفت أن مليش غيرك ومحدش هيحبني زي ما أنتِ بتحبيني عارف أنك غيرتي شكلك ولبسك وشعرك علشاني عارف أنك كنت بتعيطي وأنا بقولك هعترف لمي وعارف قد أي شعرك كان غالي عليكِ واتخليتي عنه علشاني... أنا بحبك وأنتِ هتسامحيني علشان بتحبيني صح ؟
 
" قريت المسدچ بأبتسامه هاديه وردي كان ببلوك الذنب بقي اتنين هو كان عارف أني مخنوقه وسابني كان عارف أنه بيجرحني ومكمل؟! عملت البلوك وقفلت الفون ونمت علشان اصحى بدري اجهز لعيد ميلاد أدهم، ولأني مقتنعه جدًا بمقولة شكسبير " كن أنت وليتقبلك من يتقبلك فمن يريدك أرادك بالذي تكن"
أدهم : عايزه أي؟ هتقولي أنك لسه خايفه صح؟
فريحه :  فنجان قهوة لو ينفع ! 
أدهم : بس القهوة بدأية تعارف ( ع أساس بيردهالي😹) 
فريحه : أو يمكن بدأية حب..💙
 ثم يرسل الله لك نورًا  كالذي ارسله لعين يعقوب ⁦♥️⁩✨