تكتب خواطر تعبر عن حياتها وتعبر عن ما بداخلها وما تشعر بيه بدأت منذ سنه فقط ولكن حققت نجاح، فكان لنا نصيب بإجراء حوار معها.
بقلم/مريم رفعت
بدأ حوارنا بسؤال: نتعرف على الكاتبة الشابة وسام حاتم؟
فردت على سؤالى: أنا وسام حاتم قريبًا سوف اتم عامى ١٦
من محافظه القاهرة.
فسألتها سؤالى الثانى: من اول من دعمك للدخول فى مجال الكتابة؟
فردت قائلة: أنا بدأت الكتابة مع نفسي وتلقيت بعض من الدعم من ماما ثم بعدم اصبحت كاتبة تلقيت بعض الدعم من الأصدقاء دعموني ولكن الداعم الأصلي والذى كمل هو نفسي.
وكان السؤال الثالث: متى كتبتى اول خاطرة لكِ؟
قالت: أنا اول مرة كتبت كانت من سنة فقط
أنا بدأت موضوع الكتابة گ تجربة من سنتين وبدأت اكتشف موهبتي وقتها.
بس لما بدأت بداية بجد كانت من سنة كاملة.
والسؤال الرابع: كتبتى رواية قبل كدا اما مقتصرة على الخواطر فقط؟
قالت: لا ولكن سوف اخوض تلك التجربة قريبا ولكن اكتب فى بعض الاوقات شعر.
السؤال الخامس: هل خواطرك تعبر عنك ام من الحياه اليوميه تقتبسيها؟
قالت: الاتنين بس الأكثر والغالب من حياتى اليوميه
السؤال السادس: هل فقدتى شغفك فى يوم من الكتابة وكيف كنتى تسترديه؟
قالت: نعم فقدت شغفي في فترة
ورجعت تاني بالتدريج، بس اللي كان بيجيب نتيجة أكتر غالبا هو إشتراكي في كيان لكى ألتزم حتى لو مش هكمل بس بسترجع شغفي بيه، الإرتجالات كان ليها دور في إني استرجع شغفي برضوا.
السؤال السابع: من كاتب او الكاتبة المفضلة لديكى؟
قالت: الدكتورة حنان لاشين هي مُلهمتي بصراحة، بحب كتاباتها جداً، ومن بعدها الكاتب عمرو عبدالحميد.
ومن بعدها يندرج كام كاتب كمان من الكُتّاب.
السؤال الثامن: هل قرأتى كتاب شعرتى انه يعبر عنكِ؟
قالت: بعض من الكُتب كانت بتعبر عني مثلا لو روايات ف في مواقف تعبر عني كتير.
السؤال التاسع: ما هى مشاريعك القادمه؟
قالت: ناوية بإذن الله أعمل كتاب خاص بيا، وغالبا فكرته هتبقا عبارة عن خواطر فقط، وحاليًا بحاول أطوّر من نفسي أكتر في الكتابة علشان اوصل لمرحلة إني اقدر اعمل كتاب بجد ويكون وسط الآلاف والملايين من الكتب، ولكن اتمنى إنه يكون ليه طابع مميز ومختلف.
السؤال العاشر: برأيك هل الانترنت أثر على تفكير الكاتبات والكُتّاب؟
قالت: من رأيي إن النت كان وسيلة ساعدت الكُتّاب إنهم يكتبوا عن موضوعات أكتر إن كان بالإجاب أو السلب، النت ساب حاجات كتير الكاتب يقدر يكتب عنها، وكمان في مواقع على النت ساعدت الكُتّاب على تطوير كتاباتهم وذاتهم.
السؤال الاخير: تحبى توجهي رسالة للكاتبات والكُتّاب الجداد فى مجال الخواطر ازاى يحسنوا نفسهم؟
قالت: لو عايزين تبقوا كُتّاب موهوبين وليكم جمهور يتابعكم ويشوف ابداعكم، لازم أول حاجة تبقوا قُرّاء مميزين، كثرة القراءة هتجيب نتائج كتير حلوة ومنها هيكون معاكم حصيلة لغوية تساعدكم في الكتابة مهما كان نوع الكتابة ايه، زي مثلا خواطر او شعر او روايات او ايًا يكن.
كثرة الإرتجالات هتجيب نتائج كويسة وهيساعد على التأليف والتعبير بشكل أسرع بدون ترتيب، لأن كل حاجه هتبقا تلقائية.
وحاجة كمان، خلوا الكتابة تبقا ملجأ ليكم لو ملقتوش ملجأ تلجأوله، خلوا الكتابة تعبر عنكم، الكتابة گ الحياة، إسردوا كل ما يچول بداخلكم على هيئة كلمات تُزيح ولو القليل من ما تشعرون به.
دُمتم مُبدعين.
0 تعليقات
اكتب تعليقا لنكمل مسيرتنا وندعم المزيد.