العيشة في الريف والمدن

بقلم شهد كارم 

    العيشه في المدن و الأرياف لها مميزات وعيوب هتلاقي مميزات المدن أكتر بكتير و عيوب الأرياف لا تعد ولا تحصى و من عيوب العيشه ف الأرياف انتهاك الخصوصيات، مفيش حد بيسيب حد ف حاله ومن ناحيه تانيه الحقد و الغيره بتعمي قلوب الناس، اللي يميز الأرياف من مدينتي؛ بتخرج تروح شغلک و انت مطمن على بيتک وأهلك لأن الناس كلها عارفه بعضها في الأرياف وقت الفرح بتلاقي اللي يسندک و وقت الحزن تلاقي اللي يجري عليک و يمكن هي دي أهم ميزه في العيش في الريف، مدينتي هتلاقي كل واحد ف حاله لو عايش ف شقه ف انتا ف الغالب مش هتعرف مين ساكن ف الدور اللي تحتک بس للأسف مفيش أمان لدرجه ان لو ابنک غاب عن الشقه بتقلق لينزل من العماره وميعرفش يرجع.

    في المدن لو حد مات جوا شقته و ملوش حد ممكن يقعد بالشهر ميت و محدش يعرف عنه حاجة، مهما كانت العيشه ف الأرياف متعبه والكل مركز معاک بس هتفضل ميزة الأمان و الإطمئنان على أسرتک اللي هتخليک مستحمل كل دا.

من مشاكل العيشة في الأرياف. 

    لو جربت تندمج مع الناس مش هتسلم من الحوارات، ولو جربت تفتح بيتك للكل هيبقى زريبه، ولو جربت تتصاحب على حد هيبقى حق مكتسب انه يعرف عنك كل كبيره وصغيره ويتدخل في خصوصياتك ويحشر نفسه في أدق تفاصيلك ياكدا ياإما هتبقى وحش وخبيث ومغرور وتنك، ولو جربت تحكي لحد وتستأمنه على سر تاني يوم هتلاقي معظم الناس عرفت بيه.. مفيش ثقافة الخصوصيه انت في حالك ماشي واحنا بردو هنبقى في حالك .. أكلك لبسك شربك وتصرفاتك لازم تعجبهم الأول وكأنك لعبة لازم الكل يجربها .. ولو قفلت على نفسك وفي حالك هيقولوا دا مغرور ورافع مناخيرك في السما وشايف نفسك .. من الآخر كدا مش هتسلم منهم ومش هتعجب حد .. فأنت خليك عايش على كيفك هتعيش في أرياف أو في مدينة؛ عيش العيشة الإ تريحك.