اللقاء الحلال |جريدة زادك

 سارة: يابنتى أنتِ كبرتى نفسك أوى أنتِ لسة عندك 19سنه بس عيشىِ حياتك.

لقاء:كبرت نفسى !هو الإنسان لازم يبقا كبير ويوصل لسن مُعين على شان يبقا مُلتزم بالعكس دا افضل قرار صح أنا قررته لحد دلوقتي وعُمرى ما هاندم عليه 

سارة:مش قصدى يا لقاء اللِ اقصده إن أنتِ لسه فى أولى جامعه وقررتى تلبسى النقاب يعنى وده قرار صعب 

لقاء: أنا مش فاهمه إيه اللِ صعب فى ده يابنتى مش هاكون قد المسؤولية قصدك ياستى بحاول أكون قدها 

سارة:ربنا يثبتك يا قمرى 

لقاء:اللهم آمين ولكِ المثل يا قلبى

سارة: يلا مش عايزة أى حاجة لازم امشى لأن ماما بترن عليهِ

لقاء:فى رعايه الله

"أنا لقاء عندى 19سنة مُنتقبه

 كنت على طول لما أفتح السوشيال ميديا أشوف دايما بوستات على البنات المنتقبه وقد إيه دى حاجة بهجة أوى فضلت أفكر إن أنا لازم أخد الخطوة دى وكانت من اجمل القرارات حقيقى نظرة الشخص ليا لما كنت امشى فى الشارع كانت بتجرحنىِ مع إن لبسىِ كان مُحتشم بس قررت ألبس النقاب حسيت إن البوست كان إشارة ليا "

لقاء:يا بابا أنا جيت يا قمر أنت فين

الأب: تعالى يا لقاء أنا هنا أهو فى البلكونه يا حبيبتى

لقاء:مسا مسا عليك يا غالى أخبارك يا وحش الكون 

الأب:يابت يا بكاشه الدلع ده اكيد وراه حاجة مش كده 

لقاءببكاء مُزيف :لا لا مش كده دا أنا بنتك حبيبتك تفكر فيه كده أنا هالم هدومى وامشى اهه اهه 

الأب بضحك هيسترى:ضحكتينى والله بقالى كتير مضحكتش كده 

لقاء: إحنا موجودين فى الخدمه يا وحش الكون

الأب:على الله حكايتنا بقا

لقاء: ايه ده إيه ده صلاح بقا بيسمع مسلسلات 

الأب:ما كفايه بقا يا لوجى

لقاء:ولوجى كمان لا دى ولعت

الأب: والله ما حد بيهون عليه غيرك 

لقاء:ربنا يخليك ليا يا وحش الكون أنت

الأب: ويخليكِ ليا يا نن عينى

لقاء:حبيبى يا أبو صلاح المهم هزرنا شويه ندخل فى الجد بقا أنا هانزل مع سارة كمان خمسايه كده راحين الجمعيه الخيريه تمام ومش هاتاخر قولت أقولك بس على شان متقلقش عليهِ

الأب:ربنا يكتر خيرك يابنتى ويجعله فى ميزان حسناتك

لقاء:اللهم آمين يلا سلام يا حبيبى

"لقاء وحيده باباها ولدتها توفت بازمه قلبيه وهى دلوقتي عايشه هى وباباها اتعودت دايما إن هى تكون سر بهجته وتشيل من عليه أعباء الحياة على قد ما تقدر بتحاول تخلى الضحك والبهجه فى البيت "

لقاء: أخيراً وصلتى 

سارة: المواصلات زحمه موت يا جدع

لقاء: يا جدع دا أنا كنت هموت

سارة:بعد الشر عليك يا جدع

لقاء:سرسجيه أوى سارة دى 

سارة: ولقاء سرسجيه أوى ههه

لقاء:طب يلا على شان اتاخرنا

.............

بعد يوم طويل وشاق جداً وصلت لقاء البيت

لقاء:يا بابا أنا جيت

الأب: اهلا يابنتى خلصتى

لقاء: أيوة كان يوم مُتعب أوى يلا الحمدلله مر على خير

الأب:ربنا يوفقك يا حبيبتى يلا على شان تاكلى

لقاء:لا يا بابا أنا مفرهده جامد أدخل أصلى وانام

الأب: ربنا يتقبل منك يا بنتى

لقاء:اللهم آمين يارب يلا تصبح على خير يا أبو صلاح ههه

الأب:هههه وأنتِ من أهله يا أم مكه

لقاء: إيه ده إيه ده يا أبو صلاح يا جامد بتعرف تقلقش أهو

الأب:اومال إحنا ملوك القارة

لقاء: أنا الخسرانة هانسحب بقا سلام

الأب:خوافه يلا روحى صلى

لقاء:طيارة هههه

.....................................................................

صباحاً خلصت روتينى اليومى وراحه الجامعه

لقاء:سارة أنتِ فين 

سارة:ثانيه واحده واكون عندك

لقاء:تمام يلا أنا فى الكفاتريا

بعد خمس دقائق

لقاء: إيه يابنتى كل ده 

سارة: آسفه آسفه هاقولك بعدين المهم يلا ندخل قبل ما الدكتور يدخل

الدكتور:استنى يا آنسة أنتِ وهى يا وكاله من غير بواب حضرتك أنتِ وهى متأخرين اتفضلوا اخرجوا برة

لقاء: إحنا آسفين يا دكتور والله مش هاتحصل ثانى

الدكتور:واعمل ايه باسفك ده مفيش إلتزام بالمواعيد إيه الاستهتار ده 

لقاء: التزام واستهتار طب بما إن فيها اهانه ليا أنا وصاحبتى يبقا لازم أرد خصوصاً إن حضرتك بتتكلم بصفتك دكتور فى الجامعه وليك كل الحق تقل مننا ودا أنا مش هاسمح بيه مبداياً حضرتك داخل متأخر يعنى دخلت من الباب ده انا كنت وراك تماماً يعنى أنا وحضرتك متأخرين يعنى ولا أنا أحضر ولا حضرتك تحضر تمام ثانين دا مش لطافه إن حضرتك تقل مننا كده وأنا كنت هاعتزر وماكنتش هاتكلم وهاحضر المحاضرة من غير إزعاج لكن دلوقتي مش هاحضر مش حضرتك آللِ تكرشنى كده وابقا التزم الأول على شان طلابك تلتزم يلا يا سارة

كل ده والدكتور واقف مش عارف يتكلم لأن هو عارف إن هى كل كلامها صح جداً 

سارة: إيه يابنتى كنتى محوشه كل ده فى قلبك

لقاء:بالله تسكتى دا كان فاضل تاكه وافرقع فى وشه

سارة:كل ده ومفرقعتيش ابعد يا شيطان

سارة:لا بس سيبك دا دكتور قمر سكر عنبه كده

لقاء: يا شيخه اتقى الله عيب كده أنتِ بنت على فكرة اعملى حساب لاخرتك

سارة: ماشى يا ست الشيخه

لقاء: أنا مش شيخه ولا حاجه بس بحاول أعدل من سلوكى بحاول معملش حاجة تغضب ربنا تمام

سارة:اهدى بس كده مش قصدى بهزر والله

لقاء:لا ولا حاجه أنا آسفه اتعصبت بس مش اكتر

سارة:تمام تعالى نشرب حاجة 

لقاء:يلا بينا عصير فراوله بقا

سارة:فراوله يا فراوله ههه

سارة: واحد فراوله وواحد مانجه لو سمحت

سارة:اتفضلى ياستى 

لقاء: هيح جيه فى وقته

فضلنا قاعدين لحد ما جيه واحد رخم

-ايه يا بطل مالكم قاعدين لوحدكم ليه

واحد ثانى-احنا موجودين على فكرة وفاضين ممكن نقعد معاكم 

لقاء: أنت مجنون يا بنى آدم أنت 

سارة: خلاص يا لقاء يلا بينا من هنا

-استن بس يا جميل 

-هاتعملوا علينا البنات المؤدبه عارف أنا الأشكال دى 

لقاء:محترمين غصب إن عنك

سارة ببكاء: خلاص يا لقاء يلا بينا

جيت امشى واحد مسك ايدى

لقاء:سيب ايدى يا مجنون أنت 

كل ده وسارة بتعيط

ولسة هايرد فاجأه لقيته فى الأرض

الدكتور: أنت ازاى تمسك ايدها كده انت مجنون دا أنا هادفنك مكانك

وفضل يضرب فيه

لقاء:خلاص يا دكتور سيبه هايموت فى ايدك

فضل يضرب فيه مسبهوش غير لما طلبت منه 

الدكتور:عملك حاجة البنى ادم... ده

اتكسفت إن هى واقفه تكلم واحد فى الشارع كده ده نفس المُعيد إلى طردها من المحاضرة 

بكسوف:لا محصلش حاجه شكراً ليك يلا يا سارة

الدكتور:استنى بس أنا كنت عايز اعتزر منك مكانش قصدى يحصل ده كنت حقيقى زهقان وده حصل غصب إن عنى بقدم اعتزارى ثانى واتمنى تقبليه 

لقاء:تمام حصل خير 

الدكتور:صافى يا لبن

لقاء: احم احم مش بسلم عموماً حليب يا قشطه

بإخراج: امممم آسف مكانش قصدى بس حليب يا قشطه كده ههه

لقاء:ولا يهمك سلام

الدكتور: ثانيه واحده معرفتش اسمك إيه أنا حمزة 

بخجل: لقاء اسمى لقاء سلام بقا

مشيت لقاء وهو فضل واقف بيبتسم على خجلها وقد إيه لسه فى بنات بتخاف بطريقه دى إن هى تغضب ربنا افتكر لما جيه يسلم عليها ورفضت وإن هى رفضت تقف اكتر من كده 

حمزة:ياااه يا لقاء سبحان من خلقك بهذا المظهر وهذا الحياء

مرت الايام وسارة قررت تلبس النقاب زى لقاء لأن اتعرضت لمواقف كتير فى الشارع بسبب لبسها وافتكرت كلام لقاء ليها لما قالت لها.والحياء من الأخلاق التي يحبها الله، قال الرسول صلى الله عليه وسلم (إن الله حيي ستير يحب الستر والحياء).

افتكرت لما كانت بتقولها إن المتعه الحقيقيه للحياة هى الحياء والستر ورضا الله 

-ومع الوقت حمزة بدأ يحب لقاء وفى يوم وهو بيصلى 

حمزة:.اللهمّ زوّجني امرأة صالحة تقرّ بها عيني، وتقرّ بي عينها، يا ذا الجلال والإكرام. ... اللهمّ حصّن فرجي ويسّر لي أمري واكفني بحلالك عن حرامك وبفضلك عمّن سواك. اللهمّ ارزقني بزوجة صالحة، تقيّة، هنية مثل لقاء، عاشقة لله ورسوله، ناجحة في حياتها، أكون قرّة عينها وقلبها، وتكون قرّة قلبي وعيني مثل لقاء

وده الدعاء آللِ حمزة دائماً بيدعيه من أول مرة شاف فيها لقاء

لقاء:يااااااابو صلااااح 

الأب: إيه فى إيه

لقاء: بنتك نجحت لولولوى

الأب:يا مجنونه اهدى بس كد أفهم

لقاء:بقولك نجحت نجحت

الأب: ألف مبروك يا قلب بابا 

لقاء: الله يبارك فيك يا أبو صلاح ليك شوكلت بقا ههه

الأب:شوكلت ياااااه كتير أوى 

لقاء:خلصانه نص شوكلت كده تمام أهم حاجة رضاك بس

الأب: خليها رُبع يا لقاء هاا

لقاء:بنهزر معاك يا صلاح أحلى شوكلت لابووو صلاح

: حلاوتى هى فرحتك يا حبيبتى 

:حبيبى حبيبى خمسة حبيبى هه

الأب:فيفى عبدة وصلت روحى صلى أحسن

لقاء:بقول كده يلا طيارة ههههه

 ....................................

لقاء:.اللهمّ ارزقني بزوجٍ صالح، تقيّ، هنيّ، عاشقٍ لله ورسوله، ناجحٍ في حياته، أكون قرّة عينه وقلبه، ويكون قرّة قلبي وعيني. اللهمّ اغفر ذنبي، وحصّن فرجي، وطهّر قلبي، اللهمّ ارزقني بالزّوج الّذي هو خيرٌ لي، وأنا خيرٌ له، في ديننا، ودنيانا، ومعاشنا، وعاقبة أمرنا، عاجله وآجله .

الأب:اللهم آمين يانن عينى

لقاء: إيه ده أبو صلاح هنا 

الأب:كنت جاى اشوفك واقولك تصبحى على خير سمعتك وأنتِ بتدعى

لقاء: دائماً بدعى الدعاء ده ونفسى يبقا شاكلك وفى حنيتك عليه وكل صفاتك 

الأب: أنتِ تستاهلى كل خير يا حبيبتى وإن شاء الله قريب يلا تصبحى على خير

...................................

لقاء:يا أبو صلاح يا جامد أنت فين

الأب:تعالى يا لقاء أنا هنا فى الريسبشن

لقاء: إيه ده إيه ده فكرت......

الأب:تعالى يابنتى عندنا ضيوف ده أستاذ حمزة قريبنا من بعيد شويه

لقاء بصدمه وخجل: أهلاً يا دكتور 

حمزة ببسمه على خجلها:أهلاً يا آنسه لقاء

الأب:انتوا تعرفوا بعض

حمزة:ايوة يا عمى أنا دكتور فى كليه لقاء وبدرسلها السنه دى

الأب:يا دى الصدف 

حمزة:صدفه جميلة ولقاء أجمل

لقاء بخجل من تلميحه:احم تشرب إيه 

حمزة:شربات

لقاء بصدمه:هااا 

حمزة:زى ما بقولك كده هانشرب شربات

الأب بضحك: نسيت أقولك إن حمزة جاى وطلب إيدك 

لقاء بصدمه:بس أنا.....

حمزة بتسرع:قبل ما ترفضى فكرى الأول وأنا مش مستعجل أبدا ومنتظر ردك فى أقرب وقت واتمنى تصلى قبل ما تدينى قرار يلا سلام يا عمى 

الأب: استنه يابنى أشرب حاجة

حمزة:لا يا عمى هانشرب بس لما لقاء تقرر واتمنى يبقا شربات

وجوده صدمنى ما كنتش متصورة أشوفه لا وقريبى كمان غير ده كله جاى وطالب ايدى للجواز 

لقاء:ياربى أنا محتارة أعمل إيه دلنى على الطريق الصح يا الله هو كويس وحساه محترم جدا والدليل أنه اعتزر منى اوف أنا هاصلى أحسن 

ثانى يوم بعد ما صليت ونمت

لقاء:بابا أنا موافقه

الأب: ألف مبروك يا نن عينى ربنا يسعدك يا رب هاتصل ب حمزة أقوله

حمزة جيه اتقدم للقاء وكان سعيد جداً اكنه ملك الدنيا بين ايده ولقاء كانت فرحانه إن الإنسان إلى كانت بتدعى دائماً إن ربنا يرزقها بشخص كويس فعلاً اتحقق 

"بارك الله لكُما وبارك بينكُما وجمعكُما فى خير"

بعد أنا سمع حمزة تلك الكلمات بدون مقدمات ذهب إلى لقاء وعانقها وكأنه طفل تائه ووجد أمه وكأن لقاء من أجمل انتصاراته

حمزة:تعرفى إن أنا من أول ما شوفتك وأنتِ اسرتينى بأخلاقك وحيائك ده فضلت ادعى فى كل صلاة إن ربنا يرزقنى بالزوجه الصالحه وبقول اسمك فى كل دعاء على أمل إن ربنا يستجاب وفعلاً استجان بحبك يا أجمل لقاء فى عمرى 

بخجل: وأنا كمان كنت بدعى نفس الدعاء والحمدلله الحلم اتحقق 

حمزة :طب ايه 

لقاء: إيه

حمزة:مفيش حاجه كده ولا كده كلمه كده يعنى ناشفه خالص مفيش

بخجل:زى إيه يعنى

حمزة:لا دا أنتِ محتاجه برمجه الامتحانات شغلاكى

لقاء:وحياة أمك خف الامتحان شويه

بضحك وبصدمه:وحياه امى دا أنا زى جوزك

لقاء:عليك نور بلاش تفترى عليهِ بقا 

كل ده وهما واقفين ووالدها وسارة والد حمزة وولدته واقفين بيضحكوا بهستريا على المجانين دول اللِ هما نسيوا اصلا إن هما معاهم ههه

لقاء:طب ما دام جوزى خف علينا الامتحانات بقا 

حمزة:عيونى ليكِ يا لقائى 

لقاء بخجل:احم طب بحبك يا بطل

حمزة بابتسامه:دا البطل بيعشقك.

"وكأنى نجوت من سوء الحياة حين أحببتك"





الكاتبة: حبيبة ابراهيم