بكائك طول الوقت على شيء ضاع منك مش هيفيدك إللي حصل حصل ومتقدرش تغيره، حتى لو حاولت وجودك في مكانكو المفضل دلوقتي ودموعك إللي نازله زي المطر بتأكدلك إن مفيش رجوع وإن حبل الوِصال إنقطع، وحتى لو عاد فهيكون معقود مفيش داعى تقعد تبكى على الأطلال، اِنت كنت عارف إنك فتره وهتتنسى بس كنت بتقاوح القدر ودا غلطتك إللي ممكن تكون مش عارف تغفرها لنفسك، مش هقولك متحزنش لا اِحزن بس الأمر ميخدش منك ساعه أو ساعتين بالكتير يوم تلملم نفسك وتدفن إللي باقى وتقوم الحياه مش هتستناك على متنسى أو تتناسى، بالعكس هتمشي محدش هيقف وينحني لحزنك إحترامًا، بص حواليك كدا هتلاقي كله مكمل بيك أو من غيرك حتى الشخص إللي اِنت زعلان علشانه هتلاقيه مكمل، متوقفش حياتك على حد هيا حياه ولازم هتعيشها متعشهاش زعلان، كل الزعل ممكن تدفنه لمجرد اِنك تكمل حتى لو مفيش حد معاك عافر وإبنى نفسك بنفسك حتى لو كل اللى فى الصوره غاب، اكيد فى حد هتقابله هيعوضك وهيشبهك وهيكونلك كل شيء إستمر وعافر ومتبصش للي راح الحلو مستنيك.
الكاتبة: بسملة رجب "الچوكر"
0 تعليقات
اكتب تعليقا لنكمل مسيرتنا وندعم المزيد.